Dili, 24 Fevereiru 2026 – Komisaun Nasional Desportu (KND) realiza ho susesu Workshop Sensibilizasaun Anti-Doping nu’udar parte husi eventu anual organiza husi Gabinete de Inspecção e Auditoria (GIA). Totál partisipante hamutuk ema 129, inklui Kargu Diresaun no Xefia sira, funsionáriu MJDAC sira, no organizasaun juventude no desportu sira husi Ministériu Juventude, Desportu, Arte no Kultura (MJDAK).
Workshop ida-ne’e nia objetivu atu hametin konxiénsia institusional no reforça importánsia desportu moos iha sistema desportu nasional. Partisipante sira hetan introdusaun kona-ba prinsípiu anti-doping prinsipal sira, responsabilidade governasaun, no rekizitu kumprimentu, ne’ebé subliña papél kolektivu instituisaun públiku no organizasaun sira iha proteje integridade desportu iha Timor-Leste.
Envolvimentu forte no partisipasaun ativu durante sesaun ne’e hatudu kompromisu nasional ba transparénsia, responsabilidade no padraun internasional iha administrasaun desportu. Liuhusi integrasaun edukasaun anti-doping ba programa anual GIA, KND reafirma nia dedikasaun ba governasaun desportu étiku no atu garante katak desportu moos kontinua sai prioridade aas iha Timor-Leste.