Dili, 4 Fevereiru 2026 – Komisaun Desportu Nasional (KND), reprezenta husi Sra. Kerry Galhos, hala’o estudu vizita loron rua ba Organizasaun Anti-Doping Indonezia (IADO) iha Jakarta. Ho apoiu husi Organizasaun Rejional Anti-Doping Sudeste Aziatiku (SEARADO), vizita ne’e ho objetivu atu hasa’e kolaborasaun rejionál no fahe koñesimentu kona-ba prátika anti-doping entre nasaun viziñu rua ne’e.
Durante vizita ne’e, IADO aprezenta vizaun jerál ida kona-ba ninia organizasaun, prosedimentu Autorizasaun Uzu Terapeutiku (TUE), Jestaun Rezultadu, no experiénsia iha teste, edukasaun no intelijénsia & investigasaun. Sra. Kerry mós akompaña selebrasaun ba Memorandu Entendimentu entre IADO ho Indonesia Sports Nutritionist Association (ISNA) no partisipa iha Diskusaun Grupu ho Universidade Katolika Atma Jaya Indonezia kona-ba edukasaun anti-doping ba estudante medisina desportu sira.
Estudu vizita ne’e fornese orientasaun no informasaun prátika hodi hametin Timor-Leste nia sistema anti-doping. IADO reafirma ninia kompromisu atu apoia Timor-Leste ho asisténsia téknika, formasaun, no rekursu la’ós-konfidensiál sira, hodi marka pasu importante ida hodi harii programa nasionál ida-ne’ebé sustentavel no efikaz.
