Dili, 22 Maiu 2025 – Komisaun Nasional Desportu (KND), KOLABORA ho Dili Institute of Technology (DIT), hala’o Workshop Anti-Doping iha Auditoriu DIT. Eventu ne’e halibur estudante na’in 40 husi fakuldade oin-oin, ho objetivu atu hasa’e konsiénsia kona-ba valór anti-doping no reforsa importánsia husi integridade iha desportu.
Workshop ida-ne’e partisipa husi Sekretariu Ezekutivu KND, Sr. Cesarino da Silva, Pro-Rektor Asuntus Estudante no Alumni, Sr. João Bosco Belo, no Dosente no Kordenadora Estudante , Sra. Bernadete Magalhães. Iha sira-nia diskursu, sira ko’alia liu kona-ba papél universidade sira-nian hodi forma atleta responsavel no lider sira iha futuru ne’ebé kompromete atu kompete ho moos no justu.
Estudante sira ne’ebé ativamente envolve iha sesaun sira, husu pergunta no refleta kona-ba papél ne’ebé sira bele hala’o iha promosaun desportu ne’ebé moos. Sira-nia entuziazmu subliña importánsia husi inisiativa edukasaun ne’ebé la’o hela, no atividade ne’e sai nu’udar pasu ida-ne’ebé promete atu harii kultura desportiva ida-ne’ebé forte liuhusi hasa’e konxiénsia anti-doping entre foin-sa’e sira iha Timor-Leste.