Sistema Administrasaun no Jestaun Anti-Doping (ADAMS) dezenvolve ba objetivu ida-ne’e. Ida-ne’e maka sistema jestaun baze-dadus bazeia ba Web ne’ebé simplifika atividade loroloron nian hosi parte interesada sira hotu no atleta sira ne’ebé envolve iha sistema anti-doping.
Informasaun kona-ba Paradeiru
Funsionalidade bazeia ba Web permite atleta sira atu kumpre ho regra sira paradeiru nian hosi sira nia desportu hodi hatama sira nia informasaun hosi fatin ne’ebé de’it iha mundu. Adisionalmente, ADAMS apoia delegasaun responsabilidade ida-ne’e ba reprezentante autorizadu hanesan jestór ekipa, ajente ka parte datoluk seluk. Funsionalidade ida-ne’e mós ajuda Organizasaun Anti-Doping (ADO) sira fahe informasaun kona-ba paradeiru, ne’ebé krusiál atu apoia atleta sira atu nune’e sira la presiza tama iha sira nia paradeiru liu dala ida liuhosi meius oioin. Atleta sira mós bele modifika sira nia paradeiru liuhosi uza mensajen SMS ba ADAMS.
Tutorial ADAMS nia paradeiru kona-ba oinsá atu hatama informasaun kona-ba paradeiru disponivel iha WADA nia kanál Youtube.
Informasaun ne’ebé kontein iha Paradeiru
Informasaun loron-loron kona-ba paradeiru ne’ebé tenke prenxe hosi atleta sira loroloron bainhira atleta sira iha viajen, kompetisaun, feriadu no ka iha loron sira seluk. informasaun kona-ba diáriu sira iha trimestre ida-idak maka hanesan tuirmai:
Enderesu no Detallu Kontaktu (Enderesu uma/fatin prátika, númeru telemovel no enderesu email)
Overnight Address (Enderesu kompletu ba fatin ne’ebé baibain atleta sira deskansa ka toba iha kalan hanesan iha hotel ka asrama)
tempu minutu 60 (tempu espesífiku minutu 60 ne’ebé rezerva hosi atleta sira ba teste)
Oráriu Kompetisaun no Fatin (naran no enderesu fatin kompetisaun nian ne’ebé maka atleta sira tuir ajenda atu kompete durante trimestre)
Informasaun no Fatin fatin treinu ka atividade lor-loron seluk (data, oras, enderesu fatin ne’ebé atleta sira sei pratika ka hala’o atividade normál hanesan eskola ka servisu)
Jestaun TUE
ADAMS fasilita jestaun online ba pedidu TUE nian, no mós notifikasaun online ba sira ne’ebé envolve iha prosesu. Informasaun TUE fahe ho parte relevante hotu-hotu, nune’e ba atleta submisaun ida de’it maka nesesáriu. Bainhira hetan aprovasaun husi TUE, ADAMS mós fornese ba atleta sira opsaun atu imprime sira nia Sertifikadu Aprovasaun ba sira nia rejistu.
