Iha Sabadu, loron-5 fulan-Outubru, Ofisial Kontrolu Dopajen (DCOs) Timor-Leste partisipa iha Refresher Training ba daruak iha Sala Komisaun Nasional Desportu (KND). Formasaun ne’e lidera husi Treinadora DCO, Sra. Nazima Kazsim no inklui partisipante na’in haat: Sr. Benvinda Alves, Sr. Milnocia Ribeiro, Sr. João Mendonça, no Sr. Domingos de Jesus.
Sesaun ne’e foka liu ba halo revizaun ba prosedimentu kontrolu dopajen nian hodi asegura katak ofisiál sira-ne’e atualiza ona tuir padraun internasionál sira. Teste Kontrulu Dopajen tuir mai sei hala’o sein Treinadora DCO, ofisiál sira hetan formasaun atu jere prosesu ne’e ho independente, hodi prepara sira ba responsabilidade bo’ot liu iha sira-nia knaar.
Pasu ida-ne’e sai parte ida husi kompromisu Timor-Leste nian atu mantein padraun a’as iha integridade desportiva no kompetisaun moos.