Iha loron-27 fulan-marsu tinan-2024, loron datoluk ba estudu vizita realiza iha Putrajaya, Malazia. Iha edifisiu Ministeriu Juventude no Desportu Malazia, Ajensia Anti-Doping Malazia (ADAMAS) fasilita sesaun informativa ba ekipa Anti-Doping hosi Komisaun Nasional Desportu (KND) – MJDAC ho aprezentasaun detalladu husi Sra. Azura Binti Abidin no ekipa. Aprezentasaun ne’e kobre aspetu oin-oin inklui governasaun ADAMAS, istória ajénsia, nia estabelesimentu, relasaun ho ajénsia sira seluk, finansiamentu, forsa servisu, susesu, dezafiu, ameasa emerjente, no oportunidade kolaborasaun.

Aleinde ne’e, diskusaun ne’e inklui foku ida ba Jestaun Rezultadu (RM), nia prinsipiu baziku sira, responsabilidade, estabelesimentu Komisaun Jestaun Rezultadu (RMC) ida-ne’ebé operasionalmente independente, dezafiu sira, no importánsia atu prepara ba situasaun hirak ne’ebe ita la espera. Sesaun ida-ne’e mós ko’alia kona-ba posibilidade kolaborasaun entre Timor-Leste no ADAMAS iha futuru, espesifikamente iha Jestaun Rezultadu (RM) no Izensaun Uzu Terapiku (TUE).

Post Views: 129