Verifika ai-moruk sira
Ai-moruk sira ne’ebé preskreve no sira ne’ebé la presiza reseita tenke verifika hasoru Lista Proibidu. Atleta sira mós tenke informa sira nia médiku no profisionál médiku sira seluk kona-ba sira nia obrigasaun sira nu’udar atleta ho dezempeñu aas no subliña faktu katak sira sujeita ba regra sira hosi Kódigu Mundiál Anti-Doping.
Ami rekomenda atu uza Global Dro hodi verifika ai-moruk hotu-hotu. Global Drug Reference Online (Global DRO) fornese ba Atleta sira no Pesoál Apoiu sira ho informasaun kona-ba estatutu bandu ba ai-moruk espesífiku sira bazeia ba Lista Proibidu atuál hosi Ajénsia Mundiál Anti-Doping (WADA).
Iha ne’e iha dixernimentu no trik balun atu ajuda Atleta sira no Pesoál Apoiu Atleta nian atu navega iha Lista Proibidu no bele hili ai-moruk sira ne’ebé seguru atu hemu iha kontestu desportu nian:
So naran ingrediente médiku sira maka lista iha Lista Proibidu – la’ós naran marka sira
Sempre verifika restrisaun doze nian, dalan administrasaun ai-moruk nian no limitasaun ruma ba utilizasaun ai-moruk nian bazeia ba jéneru
Verifika ai-moruk sira ne’ebé la presiza reseita no mós ai-moruk sira ne’ebé presiza reseita molok uza sira
Informa ba ita-boot nia profisionál médiku katak ita-boot maka atleta ida no sujeita ba regulamentu anti-doping
Substánsia oioin lori tempu oioin atu sai hosi ita-boot nia sistema – konsidera ida-ne’e bainhira hemu substánsia sira ne’ebé bandu iha kompetisaun
Kuidadu bainhira troka marka ai-moruk ida ba ida seluk – sira bele iha ingrediente médiku oioin
Kuidadu bainhira halo viajen – marka ai-moruk ne’ebé hanesan bele iha ingrediente médiku oioin iha rai-li’ur
Regularmente verifika atualizasaun sira ba Lista Proibidu
Risku sira husi Suplementu sira
Rekomenda atu kuidadu maka’as kona-ba uza suplementu. Teste pozitivu lubuk ida maka atribui ba uza sala suplementu sira, rótulu ne’ebé ladi’ak no kontaminasaun suplementu nian. Laiha garantia 100% katak suplementu ida livre hosi substánsia sira ne’ebé bandu maibé iha maneira sira atu minimiza risku sira ho signifikativu.
Risku sira husi suplementu sira inklui:
Padraun sira fabrikasaun nian, ne’ebé dala barak ladún rigorozu bainhira kompara ho ai-moruk sira. Padraun sira ne’ebé ki’ik liu dala barak hamosu kontaminasaun suplementu nian iha instalasaun produsaun sira;
Produtu falsu ka ho kualidade ki’ik ne’ebé bele iha substánsia bandu no substánsia sira seluk ne’ebé maka prejudika saúde;
Rotula sala ba suplementu sira – ingrediente sira rona iha doze ne’ebé sala, ka la identifika iha rótulu produtu nian;
Alegasaun falsu sira katak suplementu partikulár ida hetan endosu hosi Organizasaun Anti-Doping sira ka katak ida-ne’e “seguru ba atleta sira”. Hanoin, Organizasaun Anti-Doping sira la sertifika suplementu sira – ida-ne’e halo hosi empreza independente sira.
Atleta hotu-hotu tenke halo avaliasaun risku-benefísiu nian se sira hanoin atu uza suplementu sira. Etapa dahuluk hosi avaliasaun hanesan ne’e maka atu konsidera se aprosimasaun “ai-han-uluk” ida hatán ba nesesidade sira atleta nian. Bainhira de’it posivel, avaliasaun hanesan ne’e tenke halo ho apoiu hosi nutrisionista sertifikadu ida ne’ebé maka hatene kona-ba sistema anti-doping.
Verifika Ita-boot nia Suplementu sira
Se, hafoin konsiderasaun ho kuidadu, atleta ida hili atu uza suplementu sira, sira tenke foti pasu nesesáriu sira hodi minimiza risku sira. Ida-ne’e inklui:
Hili suplementu sira de’it bainhira iha benefísiu ida ne’ebé provável – ida-ne’e tenke halo ho asisténsia hosi nutrisionista sertifikadu ida ne’ebé bele avalia loloos atleta nia nesesidade sira
Uza suplementu no doze sira ne’ebé seguru. Hili suplementu sira ne’ebé maka hetan ona teste iha lote hosi empreza independente ida. Kompañia sira ne’ebé halo teste ba suplementu sira inklui Informed Sport, Certified for Sport ka Kölner Liste.
Hanoin, laiha suplementu ida maka 100% livre hosi risku maibé atleta sira no Pesoál Apoiu ba Atleta sira bele foti pasu balu hodi minimiza risku sira-ne’e.
