Díli, 17 Maiu 2025 — Iha preparasaun ba XII Jogos Desportivos da CPLP 2025, ekipa Fórum Anti-Doping Timor-Leste, lidera husi NSC ho suporta husi Ofisiais DCOs sertificadus, fó prioridade ba promosaun desportu moos entre atleta sira husi CPLP.
Ekipa ida-ne’e koordena ona lojístika, dezenvolve kit edukativu, no prepara materiál informasaun ne’ebé adekuadu ba partisipante sira husi nasaun membru CPLP sira. Ho fokus maka’as ba edukasaun bazeia ba valór, Forum ne’e sei fornese plataforma interativu ida atu envolve atleta no pesoál apoiu durante eventu ne’e la’o.
Diskusaun sira mós la’o hela atu kolabora ho Autoridade Antidopagem Portugal (ADoP), ho objetivu atu hasa’e koñesimentu rejionál no reforsa impaktu Forum nian liuhusi kooperasaun ho organizasaun CPLP sira hotu.