Surabaya, 7 Agostu 2025 — Kampeonatu Mundial Femininu Sub-21 FIVB 2025, ne’ebé realiza iha loron 6-7 fulan-Agostu, iha Surabaya, Indonezia, halibur ekipa nasionál hamutuk 24, atleta ho total besik 280, no ekipa apoiu sira hodi kompete ba títulu volleyball ida-ne’ebé prestijiozu tebes. Nasaun sira hanesan Brazil, Estadus Unidus, Itália, Japaun, no Xina hola parte iha Kampeonatu hodi reflete modalidade ida-ne’e nia alkansu globál no popularidade ne’ebé aumenta.
Aleinde kompetisaun nivel aas, International Testing Agency (ITA) integra edukasaun antidopajen iha programa ofisiál Kampeonatu nian atu promove fair play no integridade. Hanesan reprezentante husi ITA no Timor-Leste, Sra. Kerry Galhós lidera inisiativa ida-ne’e liuhusi hala’o sesaun edukasaun rua (2) no jere edukasaun-booth ida (1) kona-ba Desportu Moos. Nia background nu’udar eis-atleta no nia kompromisu forte desportu moos, nia bele fó ba atleta no pesoal apoiu sira koñesimentu prátiku no asesivel kona-ba proteje integridade kompetisaun nian.
Nia knaar la’ós de’it atu dudu ITA nia misaun globál maibé mós atu tau Timor-Leste nu’udar kolaborador ativu ba esforsu internasionál ba desportu moos. Partisipa iha inisiativa globál ida-ne’e, Timor-Leste reforsa ona ninia vizibilidade iha komunidade desportivu no reforsa ona ninia kompromisu atu defende integridade iha desportu.