Timor-Leste, hamutuk ho Organizasaun Nasional Anti Doping (NADOs) sira seluk ne’ebe hamahan an ba Organizasaun Rejional Anti Doping Sudeste Aziatiku (SEARADO) hamutuk ho komunidade desportu moos, selebra Loron Jogu Verdadeiru 2024 iha loron 19 fulan-Abril, hodi afirma fali ninia kompromisu ba desportu ne’ebé moos no justu.
Hahú husi Ajensia Mundial Anti-Doping (WADA), Loron Jogu Verdadeiru sai nu’udar testemuña ba dedikasaun koletiva tinan 25 ba prinsípiu integridade no lalaok etiku iha desportu. Hahú husi Konferensia Edukasaun ne’ebé hala’o iha tinan 2013, eventu ne’e sai ona movimentu globál ida, ho potensia alkanse média sosiál ne’ebé boot tebes ba ema millaun 161 iha mundu tomak.
Partisipasaun Timor-Leste nian subliña ninia pozisaun firme kona-ba partisipasaun desportu ne’ebé moos, justu no etiku, aliña ho esforsu globál sira atu kombate doping iha forma hotu-hotu.
Enkuantu mundu komemora Loron Jogu Verdadeiru iha 2024, partisipante sira hamriik hamutuk iha unidade, hodi reforsa sira-nia kompromisu atu tane aas espíritu fair play no integridade iha desportu.
#Timor-Leste #PlayTrueDay #OneTeamPlayTrue