Saida maka Izensaun ba Uzu Terapéutiku (TUE)?
Atleta sira bele iha moras ka kondisaun sira ne’ebé ezije sira atu hemu ai-moruk ka tuir prosedimentu sira. Karik ai-moruk ka métodu ne’ebé maka atleta ida presiza uza hodi trata moras ka kondisaun ida maka bandu tuir Lista Proibidu Ajénsia Mundiál Anti-Doping nian (WADA), TUE ida bele fó autorizasaun ba atleta ne’e atu uza substánsia ka métodu ne’e bainhira kompete lahó invoka violasaun regra anti-doping (ADRV) no sansaun aplikavel. Aplikasaun sira ba TUE sira hetan avaliasaun hosi painél médiku sira hosi Komité TUE (TUEC).
Padraun Internasionál ba Izensaun ba Uzu Terapéutiku (ISTUE)
Padraun Internasionál ba Izensaun sira ba Uzu Terapéutiku (ISTUE) maka Padraun Internasionál obrigatóriu ne’ebé dezenvolve nu’udar parte ida hosi Programa Mundiál Anti-Doping.
Objetivu husi ISTUE maka atu estabelese
kondisaun sira ne’ebé tenke satisfás atu nune’e bele fó Izensaun ba Uzu Terapéutiku (ka TUE), ne’ebé permite prezensa Substánsia Proibida iha Atleta nia Amostra ka Atleta nia Uzu ka Tentativa Uzu, Pose no/ka Administrasaun ka Tentativa Administrasaun ba Substánsia Proibidu ka Métodu Proibidu ba razaun terapéutiku sira;
responsabilidade sira ne’ebé maka impoin ba Organizasaun Anti-Doping sira (ADO) hodi foti no komunika desizaun sira TUE nian;
prosesu ba Atleta ida atu aplika ba TUE;
prosesu ba Atleta ida atu hetan TUE ne’ebé hetan hosi ADO ida ne’ebé rekoñese hosi ADO seluk;
prosesu ba WADA atu halo revizaun ba desizaun sira TUE nian; no
provizaun konfidensialidade ne’ebé rigorozu ne’ebé aplika ba prosesu TUE.
Matadalan sira kona-ba Izensaun ba Uzu Terapéutiku WADA nian
Dokumentu Matadalan TUE nian ida-ne’e lori ADO sira liuhosi siklu moris TUE nian, hahú ho kritériu sira atu fó TUE ida.
Matadalan sira lori responsabilidade xave sira ADO nian, inklui apoiu ba Atleta sira ne’ebé halo aplikasaun TUE, rekoñesimentu ba TUE sira, no komunikasaun ba desizaun sira TUE nian. Provizaun sira kona-ba konfidensialidade no WADA nia papél iha revizaun ba desizaun sira TUE nian mós hetan abordajen.
Matadalan sira-ne’e la’ós obrigatóriu, maibé ho intensaun atu fó klareza no orientasaun adisionál ba Kódigu Artigu 4.4 no ISTUE, ne’ebé ida-idak maka obrigatóriu.
Prosesu Izensaun ba Uzu Terapéutiku
Saida maka TUE?
Atleta sira bele iha moras ka kondisaun sira ne’ebé ezije sira atu hemu ai-moruk ka tuir prosedimentu sira. Karik ai-moruk ka métodu ne’ebé maka atleta ida presiza uza hodi trata moras ka kondisaun ida maka bandu tuir Lista Proibidu Ajénsia Mundiál Anti-Doping nian (WADA), TUE ida bele fó autorizasaun ba atleta ne’e atu uza substánsia ka métodu ne’e bainhira kompete lahó invoka violasaun regra anti-doping (ADRV) no sansaun aplikavel. Aplikasaun sira ba TUE sira hetan avaliasaun hosi painél médiku sira hosi Komité TUE (TUEC).
Tanba saida maka presiza TUE?
Karik ai-moruk ka métodu ne’ebé maka atleta ida presiza uza hodi trata moras ka kondisaun ida maka bandu tuir Lista Proibidu Ajénsia Mundiál Anti-Doping (WADA), TUE ida bele fó autorizasaun ba atleta ne’e atu uza substánsia ka métodu ne’e bainhira kompete lahó invoka violasaun regra anti-doping (ADRV) no sansaun aplikavel. Aplikasaun sira ba TUE sira hetan avaliasaun hosi painél médiku sira nian (Komite TUE).
Sé maka tenke aplika ba TUE?
Atleta sira ne’ebé maka sujeita ba regra anti-doping sei presiza TUE ida atu hemu substánsia bandu ka uza métodu bandu. Ita-boot tenke verifika ho ita-boot nia NADO atu hatene ba sé maka ita-boot presiza aplika no se ita-boot bele aplika retroativamente. Atu atleta ida hetan TUE, kritériu haat tuirmai tenke kumpre (ba detalle liután, haree ba Padraun Internasionál WADA nian ba Izensaun sira ba Uzu Terapéutiku (ISTUE) Artigu 4.2):
Atleta iha kondisaun médiku ne’ebé diagnozadu ho klaru, ne’ebé presiza tratamentu uza substánsia ka métodu ne’ebé bandu;
Uzu terapéutiku substánsia nian sei la, iha balansu probabilidade sira-nian, produz aumentu signifikativu ba dezempeñu liu atleta nia estadu saúde normál;
Substánsia ka métodu ne’ebé bandu maka tratamentu ne’ebé indika ona ba kondisaun médiku, no laiha alternativa terapéutiku razoavel ne’ebé permitidu;
Nesesidade atu uza substánsia ka métodu ne’e la’ós konsekuénsia hosi uzu anteriór (lahó TUE), hosi substánsia ka métodu ne’ebé maka bandu iha momentu uzu nian.
Bainhira maka ema ida tenke aplika?
Ba substánsia sira ne’ebé bandu iha kompetisaun de’it, ita-boot tenke aplika ba TUE pelumenus loron 30 antes ita-boot nia kompetisaun tuirmai.
Atleta sira ne’ebé maka sujeita ba regra anti-doping sei presiza TUE ida atu hemu substánsia bandu ka uza métodu bandu. Ita-boot tenke verifika ho ita-boot nia NADO atu hatene ba sé maka ita-boot presiza aplika no se ita-boot bele aplika retroativamente.
Primeiru, verifika se ai-moruk ka métodu ne’ebé ita-boot hakarak atu hemu ka uza maka bandu tuir Lista Proibidu WADA nian.
Ita-boot iha responsabilidade atu informa ba ita-boot nia médiku(sira) katak ita-boot maka Atleta ida ne’ebé maka tuir regra sira anti-doping nian. Ita-boot no ita-boot nia médiku(sira) tenke verifika Lista Proibidu ba substánsia/métodu saida de’it maka ita-boot hetan reseita. Se substánsia/métodu ne’e bandu, diskute alternativa sira ne’ebé la bandu, se laiha, aplika ba TUE. Hanoin katak atleta sira iha responsabilidade ikus liu. Kontaktu ita-boot nia NADO se ita-boot iha difikuldade.
Depois, kontaktu ita-boot nia NADO hodi determina ita-boot nia nivel kompetisaun no rekizitu sira aplikasaun TUE nian.
Oinsá atu aplika ba ita-boot nia NADO ba TUE?
Opsaun 1: So liuhosi ADAMS
Ita-boot tenke hatama eskluzivamente ita-boot nia aplikasaun TUE, inklui arkivu médiku ne’ebé presiza, liuhosi ADAMS. Se ita-boot seidauk iha konta ADAMS, favór kontaktu ita-boot nia NADO atu konfigura ita-boot nia konta.
Opsaun 2: liuhosi ADAMS ka formatu surat-tahan/formuláriu TUE eletróniku
Atleta sira hetan enkorajamentu atu hatama aplikasaun TUE liuhosi ADAMS, hamutuk ho arkivu médiku ne’ebé presiza. Se ita-boot seidauk iha konta ADAMS, favór kontaktu ita-boot nia NADO atu konfigura ida-ne’e.
Se lae, ita-boot bele download SEARADO nia Formuláriu Aplikasaun TUE nian, no bainhira kompleta no asina ona, haruka hamutuk ho arkivu médiku ne’ebé presiza ba Peroi@searado.com.
Ita-boot nia aplikasaun TUE tenke hatama iha forma ne’ebé bele lee uza letra boot ka ketik.
Arkivu médiku tenke inklui:
Istória médiku ida ne’ebé komprensivu, inklui dokumentasaun hosi médiku orijinál ne’ebé halo diagnóstiku (bainhira posivel),
Rezultadu sira hosi ezame hotu-hotu, investigasaun laboratóriu sira no estudu sira imajen nian ne’ebé relevante ba aplikasaun.
Aplikasaun TUE ruma ne’ebé la kompletu ka la lejível sei la trata no sei fila fali ba kompletasaun no submisaun filafali.
Atu ajuda ita-boot no ita-boot nia médiku hodi fornese dokumentasaun médiku ne’ebé loos, ami sujere atu konsulta WADA nia Lista Verifikasaun sira ba aplikasaun TUE nian ba orientasaun no apoiu durante prosesu aplikasaun TUE nian, no Matadalan Médiku TUE nian ba orientasaun kona-ba kondisaun médiku komún espesífiku sira, tratamentu sira, substánsia sira, nst.
Rai kópia kompletu ida hosi formuláriu aplikasaun TUE nian no informasaun médiku hotu-hotu ne’ebé hatama hodi apoia ita-boot nia aplikasaun, no prova katak ida-ne’e haruka ona.
