Prosesu Atu Aplika ba Therapeutic Use Exemption (TUE)

1. Informa ba ita-bo’ot nia médiku/doutor katak ita-bo’ot nu’udar atleta ne’ebé sujeitu ba regra anti-doping ita-bo’ot nia desportu nian no husu sira atu konsidera ida-ne’e molok preskreve ai-moruk ka tratamentu.
2. Verifika ita-nia ai-moruk ka métodu ne’ebé preskreve ona. Ita bele halo ida-ne’e liuhusi konsulta ho ita-nia NADO ka halo verifikasaun ba Ita-nia ai-moruk online ho rekursu hanesan Global DRO (https://www.globaldro.com).
3. Karik substánsia ka métodu ne’e proibidu/bandu, diskute kona-ba alternativa sira ne’ebé la bandu ho ita-nia médiku/doutor.
4. Karik laiha alternativa, aplika ba TUE. Ba atleta sira iha nivel nasionál no atleta sira iha nivel internasionál, TUE tenke hetan aprovasaun molok uza substánsia ka métodu.
5. Uza formuláriu aplikasaun husi ita-nia organizasaun relevante (hanesan Internasional Federation (IF), National Anti-Doping Organization (NADO), Major Event Organizer (MEO) ka International Testing Agency (ITA)).
6. Husu ba Ita-nia médiku/doutor atu kompleta formuláriu aplikasaun ho kompletu. Tenke lejível no tenke inklui: (6.1) Istoriku médiku (moras) ida-ne’ebé komprensivu, inklui dokumentasaun ba diagnóstiku orijinál (s) husi médiku/doutor, wainhira posivel. (6.2) Rezultadu husi ezame hotu-hotu, investigasaun laboratóriu no estudu imajen relevante ba aplikasaun
7. Haruka ita-nia aplikasaun TUE ba organizasaun relevante. Rai kopia kompletu husi formuláriu aplikasaun TUE no informasaun médiku hotu-hotu ne’ebé manda hodi apoia ita-nia aplikasaun no komprovante katak haruka ona.
8. Ita-boot nia aplikasaun sei hetan revizaun husi Komitê TUE bainhira simu ho kompletu.
9. Ita sei hetan informasaun karik ita-nia aplikasaun aprova ka rejeita, baibain iha loron 21 nia laran. Ita sei hetan informasaun kona-ba kualkér kondisaun ne’ebé aplika, inklui data expirasaun TUE nian, no restrisaun ruma kona-ba uzu ai-moruk.