Iha loron 8 fulan-junu tinan 2024, Sala Reuniaun Magna nian iha Ministeriu Juventude, Desportu, Arte no Kultura (MJDAC) organiza sesaun importante ida-ne’ebé lidera husi Doping Control Officer (DCO) Trainer husi SEARADO, Sra. Nazima Kassim. Sesaun ida-ne’e marka parte daruak husi Refresher Course ba Ofisial Kontrolu Doping na’in haat (4) Timor-Leste nian: Sra. Benvinda Alves, Sra. Milnocia Ribeiro, Sr. Domingos Gusmão, no Sr. João Mendonça.
Treinamentu ne’e hahú ho sesaun online iha loron 1 fulan-Juñu tinan 2024, hodi atualiza DCO sira nia koñesimentu antes ba sesaun prezansial. Desde hetan akreditasaun iha Dezembru 2022, importante tebes ba DCO sira-ne’e atu hala’o kursu refresher periodiku. Objetivu prinsipál husi formasaun ne’e mak atu reforsa sira-nia komprensaun kona-ba sira-nia responsabilidade no asegura sira-nia preparasaun atu hala’o teste kontrolu doping ho efetivu.
Durante sesaun prezensial, Sra. Nazima Kassim halo revizaun kona-ba protokolu no prosedimentu ne’ebe atualizadu sira iha kontrolu doping. Sesaun ne’e inklui demonstrasaun pratika no diskusaun interativu, ne’ebé permite DCO sira atu interaje diretamente ho materiál no klarifika kualkér inserteza. Aprosimasaun ida-ne’e importante tebes atu asegura katak DCO sira adekuadu iha kolesaun no prosesamentu amostra urina husi atleta sira, iha ambiente iha-kompetisaun ka iha fora-husi-kompetisaun.
Iha final ba sesaun prezensial refere, klaru katak DCO Timor-Leste sira iha ekipadu no motivadu tebess atu kontinua sira-nia servisu importante. Sira-nia dedikasaun atu mantein desportu ne’ebé moos no justu hatudu ho klaru liuhusi sira-nia partisipasaun no envolvimentu ativu durante treinamentu.
MJDAC nia apoiu ba treinamentu refere hatudu Governu nia kompromisu atu promove ambiente desportu ida-ne’ebé livre husi doping iha Timor-Leste. Liu husi fó oportunidade dezenvolvimentu profisionál ba DCO sira, MJDAC asegura katak sira nafatin iha oin iha esforsu anti-doping hotu.
Konkluzaun Refresher Course ida-ne’e ho susesu signifika pasu pozitivu ida iha Timor-Leste nia esforsu atu apoia integridade desportu nian. MJDAC hakarak hato’o ninia agradesimentu ba Sra. Nazima Kassim fahe ona nia experiensia inestimavel no ba DCO sira tanba sira-nia kompromisu ba kauza ida-ne’e.
