Iha loron 3 fulan-setembru, reprezentante husi Komisaun Nasional Desportu (KND) partisipa iha webinar ne’ebé organiza husi Organizasaun Rejional Anti-Doping Sudeste Aziatiku (SEARADO) ne’ebé foka liu ba “Edukasaun Bazeia ba Valor iha Desportu: Programa sira husi Europa no Amerika Latin.” Webinar refere subliña papél signifikativu husi edukasaun bazeia ba valór hodi prevene doping, hahú husi idade ki’ik.
Orador xave sira inklui Dr. Nina Makuc husi Organizasaun Anti-Doping Slovenia (SLODO) no Sra. Diana Medina husi Organizasaun Anti-Doping Rejional Pan American (ORAD-PAN). Dr. Makuc introdús I Value Sport Toolkit, rekursu komprensivu ida-ne’ebé dezeña atu tulun profesór sira atu fornese edukasaun bazeia ba valór iha eskola sira, enkuantu Ms. Medina hatudu ‘The True Athlete Challenge’, serie badak ida-ne’ebé ho objetivu atu kuda importánsia jogu justu entre atleta joven sira.
Partisipasaun KND iha webinar ida-ne’e subliña kompromisu Timor-Leste nian atu promove desportu ne’ebé moos no integra edukasaun bazeia ba valór iha nia programa desportu nasionál sira.