Dili, loron 23 Maiu 2025 – Komisaun Nasionál Deportu (KND) kolabora ho Escola Secundária de São Pedro, hala’o Workshop Edukasaun Anti-Doping iha sala biblioteka eskola. Atividade ida ne’e envolve estudante motivadu 44 atu aprende kona-ba desportu moos.
Workshop ne’e mos hetan partisipasaun husi Sekretáriu Ekzekutivu KND, Sr. Cesarino da Silva, Mestre Edukasaun Fízika no Koordenador Asuntu Estudante, Sr. Cristovão dos Santos, ne’ebé enkoraja estudante sira atu lidera iha promosaun justisa no integridade iha desportu.
Workshop interativu ida ne’e introdús ba estudante sira kona-baba valor prinsipál hanesan fair play, risku doping no importansia integridade iha desportu no moris loron-loron. Rezultadu hatudu progresu boot husi partisipante sira, ho nivel kompreensaun ne’ebe hetan 65% iha pre-quiz sae ba 95% iha pos-quiz — sinal motivador ida kona-ba efikásia workshop nian hodi inspirasaun jerasaun tuir mai hodi tane aas espíritu kompetisaun ne’ebé moos.