Iha loron Sexta-Feira, 19 fulan Abril tinan 2024, Comissão Nacional do Desporto (CND) realiza workshop ba da-tolu nian iha salaun inkontru Luz-Clarita, Dili.
Partisipante hamutuk na’in 30 resin mak partisipa iha workshop refere, ne’ebé akompanha direta hosi Diretur Departamentu Edukasaun Fizika no Desportu UNTL, Vise Diretur no Professor João Mendoça. Objetivu hosi workshop ida ne’e nian mak estudante sira bele hatene informasaun konaba anti-doping nian nomos prosesu halo teste no oinsa nia prosesu teste anti-doping karik detekta atleta sira utiza doping ne’e rasik.
Tuir planu CND nian iha fulan Maiu nia laran sei kontinua ho formasaun konaba Anti-Doping nian ne’ebé sei foka liu ba atleta no treinador sira mak sei ba partisipa iha eventu internasional sira hanesan Olimpiade, Para-Olimpiade iha Paris, Asean University Games nomos Timor-Leste sei organiza jogu CPLP iha Timor-Leste iha 2025.
Tanba ne’e presiza tebes ba atleta no treinador sira mak atu partisipa iha eventu sira ne’e atu hatene no hetan informasaun sufisiente, espesifikamente tuir materia ne’ebé fornese hosi WADA (World Anti-Doping Agency) liu hosi sistema Anti-Doping Education Learning (ADEL), wainhira partisipante sira remata formasaun sira ne’ebe oferese hosi WADA, sira sei hetan sertifikadu ne’ebé fornese direta hosi WADA.
TL-ASI @ 2024