Iha loron 10 fulan Fevereiru tinan 2024 ekipa Timor-Leste nebe servisu iha programa Anti-Doping nian partisipa reuniaun virtual ho Diretur Geral SEARADO hodi hetan briefing konaba preparasaun Timor-Leste ba estabelese Agensia Nasional Anti-Doping Timor-Leste inklui rekezitus nebe presiza atu kompleta tuir kestionáriu nebe manda hosi WADA (Wold Anti-Doping Agency).
Reuniaun virtual ida ne’e hosting hosi Sr. Gobi Nair nu’udar Diretur Geral SEARADO no involve mos orador balu hosi Samoa no Brunei Darusalam hodi fahe sira nia esperiensia servisu iha sira nia Agensia Nasional Anti-Doping nian, nomos esplika konaba papel governu nomos pozisaun Nasional Anti-Doping nian.
Ekipa Timor-Leste nebe partisipa iha reuniaun virtual ne’e mak Sra. Kerry Pither Cristalina Galhos, nu’udar jestora ba programa anti-doping Timor-Leste nian, Sr. David Tomas de Deus nu’udar Diretur Geral Juventude-MJDAC no Cesarino da Silva, nu’udar Sekretariu Exekutivu Komisaun Nasional Desportu – MJDAC.
