Iha loron-29 fulan-Marsu tinan-2024, ekipa anti-doping Timor-Leste remata vizita estudu ho sesaun informativu ida kona-ba Izensaun Uzu Terapeutiku (TUE) husi ekipa ADAMAS iha edifísiu Ministeriu Juventude no Desportu Malazia nian. Sesaun ne’e kobre administrasaun TUE, prosesu aplikasaun, estabelese komite, no dezafiu sira.
Diskusaun enserramentu foka liu ba kolaborasaun entre NADO Timor-Leste no ADAMAS iha futuru, liu-liu iha apoiu iha Komite Izensaun Uzu Terapeutiku (TUEC) no Komite Jestaun Rezultadu (RMC). Vizita ne’e konklui ho troka souvenir/regalu entre ekipa rua ne’e, hodi marka susesu ba inisiativa fahe koñesimentu ida ne’e.