Iha loron Tersa-Feira, 18 fulan Juñu tinan 2024, Ministério da Juventude, Desporto, Arte e Cultura liu hosi Comissão Nacional do Desporto (CND) organiza workshop anti-doping ba atleta hamutuk na’in 24, treinador na’in 1 no ofisial na’in 1, total partisipante hamutuk na’in 26. Atividade ne’e hala’o iha salaun Xanana Sport Center, Bairo dos Grilos-Dili.
Objetivu hosi workshop ida ne’e mak atleta no treinador sira iha konhesimentu konaba saída mak doping no anti-doping iha desportu nian. Workshop ida ne’e fasilita hosi Sra. Kerry Galhós nu’udar Jestora ba Programa Anti-Doping iha Timor-Leste.
To’o agora CND atinze ona númeru 150 mak atende ona workshop no na’in 54 mak atende ona formasaun Anti-Doping Education & Learning (ADEL) no hetan ona sertifikadu hosi Agensia Mundial Anti-Doping nian (WADA).
Atividade workshop ida ne’e realiza tanba servisu hamutuk entre CND ho FFTL.