Uza substánsia doping ka métodu doping sira hodi hasa’e dezempeñu maka fundamentalmente sala no prejudika ba espíritu jerál desportu nian. Uzu sala droga nian bele prejudika ba Atleta ida nia saúde no ba Atleta sira seluk ne’ebé kompete iha desportu ne’e. Ida-ne’e estraga maka’as integridade, imajen no valór desportu nian, maski ka lae motivasaun atu uza droga maka atu hadi’a dezempeñu.
Prinsípiu no valór sira desportu moos nian
Programa anti-doping buka atu mantein integridade desportu nian iha termu respeitu ba regra sira, konkorente sira seluk, kompetisaun justu, kampu jogu ne’ebé hanesan, no valór desportu ne’ebé moos ba mundu.
Espíritu desportu nian maka selebrasaun ba ema nia espíritu, isin no hanoin. Ida-ne’e maka esénsia husi Olimizmu no reflete iha valór sira ne’ebé ita hetan iha no liuhosi desportu, inklui:
- Saúde
- Étika, jogu justu no onestidade
- Direitu atleta sira nian hanesan hakerek iha Kódigu
- Exelénsia iha dezempeñu
- Karakter no Edukasaun
- Divertimentu no ksolok
- Serbisu iha ekipa
- Dedikasaun no kompromisu
- Respeitu ba regra no lei sira
- Respeitu ba an rasik no Partisipante sira seluk
- Koraja
- Komunidade no solidariedade
Espíritu desportu nian espresa iha oinsá ita joga loos no iha tempu hanesan, uza substánsia no métodu sira ne’ebé bandu mós konsidera hanesan violasaun ida ba espíritu desportu nian mós.
Tanba saida maka anti-doping importante?
Regra anti-doping eziste ho razaun hanesan regra no regulamentu sira seluk eziste, ne’ebé maka atu define aspetu oioin hosi desportu atu nune’e bele mantein emosaun no atu garante justisa iha kampu jogu nian. Regra hotu-hotu no faktu katak sira hetan monitorizasaun no reforsu dezeña atu prevene partisipante ruma atu hetan vantajen ne’ebé la justu hasoru ida seluk.
Uza substánsia doping ka métodu sira atu hasa’e dezempeñu la’ós de’it sala, maibé mós prejudika ba saúde mentál no fíziku Atleta sira-nian.
