Pesoál Apoiu Atleta

Direitu no Responsabilidade sira

Hanesan atleta sira, Pesoál Apoiu Atleta nian mós iha direitu no responsabilidade sira tuir Kódigu. Hirak-ne’e inklui:

1. Koñesimentu kona-ba polítika no regra sira anti-doping nian ne’ebé aplikavel ba ita-boot no ba atleta(sira) ne’ebé ita-boot apoia
2. Uza ita-boot nia influénsia ba valór no hahalok atleta nian hodi haburas atitude anti-doping
3. Kumpri ho polítika no regra anti-doping hotu-hotu ne’ebé maka aplikavel ba ita-boot no atleta(sira) ne’ebé ita-boot apoia
4. Koopera ho programa teste atleta nian
5. Fó sai ba autoridade relevante sira se ita-boot komete ona Violasaun ruma ba Regra Anti-Doping (ADRVs) iha tinan sanulu liubá
6. Koopera ho Organizasaun Anti-Doping (ADOs) sira ne’ebé investiga ADRVs

Detallu sira seluk kona-ba papél no responsabilidade sira-ne’e bele hetan iha Kódigu Artigu 21.2 no 21.3.

PAPEL NO RESPONSABILIDADE ADISIONÁL SIRA HUSI PESOÁL APOIU ATLETA NIAN:

• Atu iha koñesimentu no kumpre Regra Anti-Doping sira-ne’e.
• Atu koopera ho programa Teste Atleta nian.
• Atu uza sira nia influénsia iha valór no hahalok Atleta nian hodi haburas atitude anti-doping.
• Atu fó sai ba Komité Olímpiku Nasionál Timor-Leste no sira-nia Federasaun Internasionál desizaun ruma hosi ema ne’ebé la’ós Signatáriu ne’ebé hetan katak sira komete violasaun ba regra anti-doping iha tinan sanulu (10) liubá.
• Atu koopera ho Organizasaun Anti-Doping sira ne’ebé investiga violasaun sira ba regra anti-doping. Fallansu hosi kualkér Pesoál Apoiu ba Atleta sira atu koopera tomak ho Organizasaun Anti-Doping sira ne’ebé investiga violasaun sira ba regra anti-doping nian bele rezulta iha akuzasaun ba hahalok aat tuir regra dixiplinár sira hosi Komité Olímpiku Nasionál Timor-Leste nian.
• Pesoál Apoiu ba Atleta sira labele Uza ka iha Substánsia Proibidu ruma ka Métodu Proibidu ruma lahó justifikasaun válidu. Kualkér Uzu ka Pose hanesan ne’e bele rezulta iha akuzasaun ba hahalok aat tuir regra dixiplinár sira Komité Olímpiku Nasionál Timor-Leste nian.
• Konduta ofensivu hasoru ofisiál Kontrolu Doping ka Ema seluk ne’ebé envolve iha Kontrolu Doping hosi Pesoál Apoiu Atleta nian, ne’ebé la konstitui Manipulasaun, bele rezulta iha akuzasaun ba hahalok aat tuir regra dixiplinár sira hosi Komité Olímpiku Nasionál Timor-Leste nian.

PAPEL NO RESPONSABILIDADE ADISIONÁL SIRA HUSI EMA SELUK NE’EBÉ SUJEITU BA REGRAS ANTI-DOPING SIRA NE’E:

• Atu iha koñesimentu no kumpre Regra Anti-Doping sira-ne’e.
• Atu fó sai ba Komité Olímpiku Nasionál Timor-Leste no sira-nia Federasaun Internasionál desizaun ruma hosi ema ne’ebé la’ós Signatáriu ne’ebé hetan katak sira komete violasaun ba regra anti-doping iha tinan sanulu (10) liubá.
• Atu koopera ho Organizasaun Anti-Doping sira ne’ebé investiga violasaun sira ba regra anti-doping. Fallansu hosi ema seluk ruma ne’ebé sujeita ba Regra Anti-Doping sira-ne’e atu koopera tomak ho Organizasaun Anti-Doping sira ne’ebé investiga violasaun sira regra anti-doping nian bele rezulta iha akuzasaun ba hahalok aat tuir regra dixiplinár sira hosi Komité Olímpiku Nasionál Timor-Leste nian.
• Labele Uza ka Posui Substánsia Proibidu ruma ka Métodu Proibidu ruma lahó justifikasaun válidu.
• Konduta ofensivu hasoru ofisiál Kontrolu Doping ka Ema seluk ne’ebé envolve iha Kontrolu Doping hosi Ema ida, ne’ebé la konstitui Manipulasaun, bele rezulta iha akuzasaun ba hahalok aat tuir regra dixiplinár sira hosi Komité Olímpiku Nasionál Timor-Leste nian.